Mataimakin firaministan kasar Sin ya jaddada tsayayyen shiri na baje kolin shigo da kaya

Mataimakin firaministan kasar Sin Hu Chunhua a ranar Talata ya jaddada kammala shirye-shiryen karshe na bikin baje kolin kayayyakin da ake shigowa da su kasar Sin karo na uku (CIIE) da inganci, yayin da ake aiwatar da ingantattun matakan rigakafin COVID-19.

Har ila yau, shugaba Hu, shugaban kwamitin shirya bikin baje kolin, ya bayyana cewa, gudanar da bikin baje kolin na bana cikin nasara yana da matukar muhimmanci, domin zai nuna manyan nasarorin da kasar Sin ta samu bisa manyan tsare-tsare a yaki da cutar numfashi ta COVID-19, da kuma kudurin kasar na fadada bude kofa ga waje ba tare da tangarda ba.

Har ila yau, za ta inganta samar da wani sabon tsarin ci gaba wanda zai dauki kasuwar cikin gida a matsayin babban jigo tare da barin kasuwannin cikin gida da na waje su bunkasa juna, in ji shi.

Mr.

Taron CIIE na uku zai gudana ne a birnin Shanghai daga ranar 5 zuwa 10 ga watan Nuwamba.