Sinuwa jamana minisiriɲɛmɔgɔ kɔrɔ bɛ sinsin labɛn sabatili kan ka ɲɛsin fɛnw dondonni jirali ma

BEIJING, Octoburu kalo tile 20 - Sinuwa jamana minisiriɲɛmɔgɔ kɔrɔ Hu Chunhua y’a jira taratadon ko a bɛna Siniwa jamana ka fɛnw dondonni kɛnɛba (CIIE) labɛn labanw ban ni jogo ɲumanba ye, k’a sɔrɔ a bɛ COVID-19 kunbɛnni ni a kɛlɛli fɛɛrɛ ɲumanw kɛ.

Hu, n’o fana ye jirali in labɛnjɛkulu ɲɛmɔgɔ ye, o y’a jira labɛnjɛkulu ka lajɛ dɔ senfɛ ko ɲinan jirali kɛli ka ɲɛ, o nafa ka bon kosɛbɛ bawo o bɛna Siniwa jamana ka fɛɛrɛbɔba jira COVID-19 kɛlɛli la, ani jamana ka cɛsiri ka da wuli yɔrɔ bɛɛ la, k’a sɔrɔ a ma jɔ.

A bɛna yiriwali sira kura sigili fana sabati, min bɛ jamana kɔnɔ sugu ta k’a kɛ a jɔyɔrɔba ye, k’a sɔrɔ a bɛ jamana kɔnɔ ni jamana kɔkan suguw to u ka ɲɔgɔn bonya, a y’a fara a kan.

Hu ye wele bila ka labɛn sabatilen kɛ fɛnw dondonni jirali daminɛ seli kama, Hongqiao diɲɛ sɔrɔko tɔnba, ani ko wɛrɛw.

CIIE sabanan bɛna kɛ Shanghai k’a daminɛ nowanburukalo tile 5 la ka se tile 10 ma.