Kasar Sin ta kaddamar da sabbin matakai na bunkasa harkokin kasuwanci masu zaman kansu

A ranar 26 ga watan Oktoban da ya gabata, hukumomin kasar Sin sun fitar da sabbin matakai na karfafa tallafi ga kamfanoni masu zaman kansu.

Za a kara himma wajen rage farashin kamfanoni masu zaman kansu, da karfafa goyon bayan kirkire-kirkire na kimiyya da fasaha, da inganta samar da filaye da sauran muhimman albarkatu, kamar yadda wata ka’ida da sassa shida na tsakiya suka fitar kwanan nan ciki har da hukumar raya kasa da yin kwaskwarima ta kasa (NDRC).

Ka'idar tana da nufin warware matsalolin da kamfanoni masu zaman kansu ke fuskanta a halin yanzu da kuma tara dogon lokaci don ci gabansu, in ji Zhao Chenxin, mataimakin sakatare-janar na NDRC a taron manema labarai a ranar Litinin.

Za a dauki wasu takamaiman matakai don tallafawa ci gaban kamfanoni masu zaman kansu, kamar ci gaba da rage haraji da rage kudade da kara rage karfin makamashi da farashin intanet.

Zhao ya ce hukumar ta NDRC za ta aiwatar da ka'idojin tare da sauran sassan tsakiya don kara inganta yanayin kasuwanci ga kamfanoni masu zaman kansu da kuma fitar da kuzarinsu.