Ipaganetget ti Chinese vice premier ti natibker a panagsagana para iti import expo

BEIJING, Oct. 20 (Xinhua) -- Impaganetget ni Chinese Vice Premier Hu Chunhua idi Martes ti panangileppasna iti maudi a panagsagana para iti maikatlo a China International Import Expo (CIIE) nga addaan iti nangato a kalidad bayat ti panangisayangkatda kadagiti epektibo a wagas ti pananglapped ken panangkontrol iti COVID-19.

Kinuna ni Hu, mangidadaulo met iti organizing committee ti expo, bayat ti miting ti organizing committee a dakkel ti kaipapanan ti naballigi a pannakaangay ti expo ita a tawen agsipud ta ipakitana dagiti kangrunaan nga estratehiko a nagapuanan ti China iti pannakidangadang iti COVID-19 ken ti determinasion ti pagilian iti di agkupas a panangpalawa iti amin- nagtimbukel nga aglukat.

Itandudona pay ti pannakaipasdek ti baro a padron ti panagdur-as a mangala iti domestiko a merkado kas kangrunaan a batay bayat a bay-anna a dagiti domestiko ken ganggannaet a merkado ket agpipinnapigsa, innayonna.

Inawagan ni Hu ti natibker a panagsagana para iti seremonia ti pananglukat ti import expo, ti Hongqiao International Economic Forum, ken dadduma pay nga events.

Maangay ti maikatlo a CIIE idiay Shanghai manipud Nobiembre 5 agingga iti 10.