ຈີນ​ເປີດ​ເຜີຍ​ມາດ​ຕະການ​ໃໝ່​ເພື່ອ​ຊຸກຍູ້​ວິ​ສາ​ຫະກິດ​ເອກະ​ຊົນ

ຕາມ​ຂ່າວສານ​ຊິນ​ຮວາ: ວັນ​ທີ 26 ຕຸລາ​ນີ້, ​ເຈົ້າ​ໜ້າ​ທີ່​ຈີນ​ໄດ້​ອອກ​ມາດ​ຕະການ​ໃໝ່​ເພື່ອ​ເພີ່ມ​ທະວີ​ການ​ສະໜັບສະໜູນ​ວິ​ສາ​ຫະກິດ​ເອກະ​ຊົນ.

ຈະ​ໄດ້​ຮັບ​ການ​ເພີ່ມ​ທະວີ​ຄວາມ​ພະຍາຍາມ​ເພື່ອ​ຫລຸດຜ່ອນ​ຕົ້ນ​ທຶນ​ຂອງ​ວິ​ສາ​ຫະກິດ​ເອກະ​ຊົນ, ​ເພີ່ມ​ທະວີ​ການ​ສະໜັບສະໜູນ​ນະ​ວັດຕະກຳ​ວິທະຍາສາດ ​ແລະ ​ເຕັກ​ໂນ​ໂລ​ຊີ, ປັບປຸງ​ການ​ສະໜອງ​ທີ່​ດິນ ​ແລະ ຊັບພະຍາກອນ​ສຳຄັນ​ອື່ນໆ, ອີງ​ຕາມ​ບົດ​ແນະນຳ​ທີ່​ໄດ້​ນຳ​ອອກ​ເຜີຍ​ແຜ່​ເມື່ອ​ບໍ່​ດົນ​ມາ​ນີ້​ໂດຍ 6 ກົມ​ສູນ​ກາງ​ລວມທັງ​ຄະນະ​ກຳມະການ​ພັດທະນາ ​ແລະ ປະຕິ​ຮູບ​ແຫ່ງ​ຊາດ ( NDRC).

ບົດ​ແນະນຳ​ດັ່ງກ່າວ​ມີ​ຈຸດປະສົງ​ເພື່ອ​ແກ້​ໄຂ​ບັນຫາ​ໃນ​ປະຈຸ​ບັນ​ຂອງ​ວິ​ສາ​ຫະກິດ​ເອກະ​ຊົນ ​ແລະ ສະ​ສົມ​ປັດ​ໄຈ​ໃນ​ໄລຍະ​ຍາວ​ເພື່ອ​ພັດທະນາ​ໃນ​ອະນາຄົດ, ທ່ານ Zhao Chenxin, ຮອງ​ເລຂາທິການ​ໃຫຍ່ NDRC ກ່າວ​ໃນ​ກອງ​ປະຊຸມ​ຂ່າວ​ໃນ​ວັນ​ຈັນ​ວານ​ນີ້.

ບາງມາດ​ຕະການ​ສະ​ເພາະ​ຈະ​ໄດ້​ຮັບ​ການ​ປະຕິບັດ​ເພື່ອ​ໜູນ​ຊ່ວຍ​ການ​ພັດທະນາ​ຂອງ​ວິ​ສາ​ຫະກິດ​ເອກະ​ຊົນ, ​ເຊັ່ນ: ການ​ສືບ​ຕໍ່​ຫຼຸດ​ພາສີ ​ແລະ ຄ່າ​ບໍລິການ ​ແລະ ການ​ຫຼຸດ​ລາຄາ​ພະລັງງານ ​ແລະ ອິນ​ເຕີ​ເນັດ​ຕື່ມ​ອີກ.

ທ່ານ Zhao ກ່າວ​ວ່າ NDRC ຈະ​ປະ​ຕິ​ບັດ​ຂໍ້​ແນະ​ນຳ​ຢ່າງ​ເຂັ້ມ​ງວດ​ໄປ​ຄຽງ​ຄູ່​ກັບ​ບັນ​ດາ​ພະ​ແນກ​ສູນ​ກາງ​ອື່ນໆ ເພື່ອ​ປັບ​ປຸງ​ສະ​ພາບ​ແວດ​ລ້ອມ​ແຫ່ງ​ການ​ດຳ​ເນີນ​ທຸ​ລະ​ກິດ​ໃຫ້​ແກ່​ວິ​ສາ​ຫະ​ກິດ​ເອ​ກະ​ຊົນ ແລະ ປົດ​ປ່ອຍ​ຄວາມ​ສຳ​ຄັນ​ຂອງ​ຕົນ.